Omrop Fryslân: Fryske ferhaletradysje giet mei ‘It fjoer yn my’ de grins oer mei ferhalejûn Australië
In Frysk ferhale-inisjatyf giet letterlik nei de oare kant fan de wrâld: nei Perth yn Australië. Machiel van der Stelt en Lianna Parker wolle mei de ‘Ferhalejûn’ in poadium jaan oan harren Nederlânske identiteit.
Se wenje al tsientallen jierren yn Australië, mar fiele harren noch altyd bot ferbûn mei harren heitelân. Sa binne se belutsen by de Nederlânske klup dêr’t lângenoaten by elkoar komme.
