Kaarten
Homoseksuele fersetsstriders fan Bûtenpost ferivige yn teäterstik: "Bysûnder foar dy tiid"
Benaud wêze is normaal en dat mei, mar wês net laf. Dat is it boadskip dat de soannen fan de famylje Bakker út Bûtenpost yn de Twadde Wrâldoarloch meikrigen. Se groeiden út ta moedige fersetsstriders.
De bruorren kamen út in Frysk grifformearde húshâlding en guon fan harren wiene homoseksueel. Thús waard hiel iepen praat oer harren aard. “Dat was heel bijzonder voor die tijd”, seit âld-sjoernaliste Toni Boumans. Boumans kaam de bysûndere famyljeskiednis op it spoar doe’t se har ferdjippe yn fersetsstrider Sjoerd Bakker, ien fan de bruorren.
It ferhaal dûkte by har foar it earst op doe’t se in pear jier ferlyn yn Amsterdam wie. Dêr waard in taspraak jûn oer homoseksuele fersetsstriders. Sjoerd Bakker waard ek neamd. Hy wie eksekutearre, mar fierder wie der neat oer him bekend.
Boumans woe him ta libben bringe en earje. Doe kaam se by syn hiele famylje út. Dat resultearre yn in boek en no ek yn in teäterfoarstelling fan Pier21. Debutearjend regisseur Oetsen van der Veen (22) fielt him bot ferbûn oan it tema en de personaazjes. “Ik kom út Kollumersweach en haw sels ek in hiel iepen gesin. Myn homoseksualiteit hat thús noait in probleem west, mar ik fiel wol dat it yn Kollumersweach en omjouwing noch wol in kontroversjeel tema is.” De famylje Bakker wie aktyf yn de moade en hie in ferneamd moadehûs yn Bûtenpost. Se wennen yn it Jeltingahûs, no ûnderdiel fan it hjoeddeistige gemeentehûs fan Achtkarspelen. Dêr wurdt it stik yn maaie ek opfierd. De foarstelling wurdt spile troch akteurs fan de oplieding Artiest Theater fan Firda.
Lês en sjoch it ynterview hjir fierder

Foto: Omrop Fryslân
Tekst: Wendy Kennedy
Gepubliceerd op: 28-02-2024
Bron: Omrop Fryslân

Blijf op de hoogte
Naam(Vereist)
Dit veld is bedoeld voor validatiedoeleinden en moet niet worden gewijzigd.

Pier21 wordt meerjarig ondersteund door 

© 2024 Pier21